Fatih Terim “Neftçi” klubunun baş məşqçisi ola bilər

Türkiyə futbolunun canlı əfsanəsi, “İmperator” ləqəbli Fatih Terim “Neftçi”nin yeni baş məşqçisi ola bilər.

Bu barədə yerli mediada xəbərlər paylaşılır.

İddialara görə, “ağ-qaralar”la 71 yaşlı mütəxəssis arasında artıq danışıqlar başlayıb. Lakin təcrübəli çalışdırıcının paytaxt təmsilçisinin təklifini qəbul edib-etməyəcəyi sual altındadır.

Maraq üçün deyək ki, Fatih Terim son olaraq Yunanıstanın “Panatinaikos” kollektivini çalışdırıb. Onun rəhbərliyi ilə 27 matça çıxan kollektiv 13 qələbə, 7 bərabərlik və 7 məğlubiyyət əldə edib.

Qeyd edək ki, "Neftçi"ni hazırda ukraynalı məşqçi Roman Qriqorçuk çalışdırır. Bakı klubu onun rəhbərliyi ilə 9 görüşdə 5 heç-heçə və 4 məğlubiyyətlə üzləşib. Aktivində 5 xalı olan komanda Premyer Liqanın 9-cu pilləsində qərarlaşıb. Bu səbəbdən R.Qriqorçukla yolların ayrılması planlaşdırılır.