Fərdi Kadıoğlu İngiltərənin məşhur klubuna keçdi

Türkiyə millisinin vacib futbolçularından Fərdi Kadıoğlu karyerasını İngiltərədə davam etdirəcək.

24 yaşlı müdafiəçi Premyer liqada çıxış edən “Brayton” klubuna transfer olunub.

“Qağayılar” keçidə görə Fərdinin əvvəlki komandası “Fənərbağça”ya 30 milyon avroya ödəyib. Oyunçu ilə 2028-ci ilədək müqavilə imzalanıb.

Qeyd edək ki, Niderlandın “NEK Neymegen” kollektivinin yetirməsi olan F.Kadıoğlu 2018-ci ildən İstanbul təmsilçisində çıxış edirdi. 204 matçda 18 qol və 22 assistlə yadda qalan futbolçu ötən il “Fənər”lə Türkiyə kubokunun qalibi olub.