İdman
Pleyeri seçin:
Formula 1-də Niderland Qran-prisinin qalibi müəyyənləşib
Formula 1 üzrə dünya çempionatında mövsümün 13-cü yarışı Niderlandda keçirilib.
Zandvort şəhərinin eyni adlı trasında baş tutan Qran-pridə pilotlar 72 dövrə ərzində mübarizə aparıblar. Mərhələnin yekununda qələbəni “Red Bull” sürücüsü Maks Ferstappen bayram edib. Öz ölkəsindəki etapda qalib gələn Maks ən yaxın izləyicisi, “Aston Martin” üzvü Fernando Alonsonu 3,744 saniyə qabaqlayıb.
Ardıcıl 9-cu yarışda qələbə qazanan Ferstappen almaniyalı Sebastian Fettelə məxsus rekordu təkrarlayıb. 339 xalla ümumi sıralamanın lideri olan Maks 2-ci yerdə olan komanda yoldaşı Serxio Peresi 138 xal qabaqlayır.
Mühəndislər kuboku uğrunda yarışda da “Red Bull” 1-ci yerdədir. 540 xal toplayan Avstriya komandası 2-ci pillədəki “Mersedes”dən 285 xal öndədir.
Qeyd edək ki, dünya çempionatının növbəti mərhələsi İtaliyada keçiriləcək. Montsa avtodromunda baş tutacaq yarışın qalibi sentyabrın 3-ü müəyyənləşəcək.
Kopyalandı
Seçilmişlər
