Futbol klubları yay transfer çalışmalarına davam etdirir

Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlamaqda davam edir.

Son transfer xəbərlərini təqdim edirik.

"La Gazzetta dello Sport": “Yuventus” klubu türkiyəli yarımmüdafiəçi Kənan Yıldızla müqaviləni uzatmağa hazırdır. Klub 20 yaşlı yarımmüdafiəçiyə 2030-cu ilə qədər müqavilə təklif edəcək və maaşını 4 milyon avroya qaldıracaq. Müqavilənin klublararası dünya çempionatından sonra uzadılması planlaşdırılır. “Yuventus” türk futbolçunu həm oyun, həm də reklam baxımından vacib element hesab edir.

Fabrizio Romano: Niko Uilliams ilə maraqlanan digər klublar onun hədəfinin “Barselona” olduğunu bilirlər. İndi hər şey “Barsa”dan asılıdır. Futbolçu “blauqrana”ya keçməyə hazır olduğunu açıq şəkildə bildirib.

Nikolo Şira: "Bornmut"un müdafiəçisi Miloş Kerkez "Liverpul"a keçəcək. Artıq tərəflər arasında müqavilə bağlanıb. 21 yaşlı macar futbolçu “Liverpul”la 2030-cu ilə qədər əmək müqaviləsi imzalayıb.

Cennaro Qattuzo rəsmi olaraq İtaliya millisinin baş məqşçisi vəzifəsinə təyin edilib.

26 yaşlı almaniyalı hücumçu Lukas Nmeça "Volfsburq"dan "Lids"ə keçib. Oyunçu yeni klubuna azad agent qismində qoşulub. Onun müqaviləsi 2027-ci ilin yayına qədər nəzərdə tutulub.