Türkiyəli futbol ulduzu üçün 40 milyon avro ödənilə bilər

Türk futbolunun parlayan ulduzu, “Yuventus”da çıxış edən Kənan Yıldız komandasını dəyişməyə yaxındır.

“Qoca sinyora”nın heyətində son 5 matçda 3 qola imza atan 18 yaşlı forvard Dortmund “Borussiya”sı və “Liverpul”un transfer hədəfidir.

İddia olunur ki, bu klublar Kənan üçün təqribən 40 milyon avro ödəməyə hazırdır.

Qeyd edək ki, ötən ildən “Yuventus”un heyətində yer alan Kənan Yıldız 11 oyunda 3 qolla yadda qalıb. Turin təmsilçisi ilə müqaviləsi 2027-ci ilə qədər olan forvard 2023-cü ildən ölkəsinin yığmasına da çağırılır. “Ay-ulduzlular”ın heyətində 3 görüşə çıxan Kənan 1 qol vurub.