İdman
Pleyeri seçin:
Futbol üzrə Azərbaycan millisi yoxlama matçında qalib gəlib
Futbol üzrə Azərbaycan millisi növbəti yoxlama matçına çıxıb.
Yığmamız Macarıstanın Sombatxey şəhərində keçirilən görüşdə Qazaxıstan seçməsi ilə üz-üzə gəlib.
“Haladaş” stadionundakı qarşılaşmaya komandamız pis başlayıb.
Qazaxıstan kollektivi 28-ci dəqiqəyədək Yan Voroqovski və Maksim Somodorovun qolları ilə 2-0 hesablı üstünlük əldə edib. Lakin futbolçularımız əzmkarlıq göstərərək dönüş ediblər. Əvvəlcə 42-ci dəqiqədə Mahir Emreli toplardan birinin əvəzini çıxıb.
2-ci yarıda isə komandamız daha 2 qol vurub. 51-ci dəqiqədə Emin Mahmudov 11 metrlik cərimə zərbəsini dəqiq yerinə yetirib. Qarşılaşmada son nöqtəni Toral Bayramov qoyub. Azərbaycan – Qazaxıstan: 3-2.
Kopyalandı
Seçilmişlər
