Futbolçular qadın hakimə hücum etdi

Ukrayna 1-ci liqasında “Jitomir” - “Metallurq” görüşündə meydan sahiblərinin futbolçuları hakim Sofiya Priçinaya hücum ediblər.

Hadisə matçın sonlarında baş verib. Belə ki, epizodlardan birində “Jitomir”in üzvü Artyom Kozak cərimə meydançasında yıxılsa da, xanım referi qayda pozuntusunu qeydə almayıb. Bu, yerli oyunçular tərəfindən qəzəblə qarşılanıb.

Qərarını dəyişməyən S.Priçina yekunda "Jitomir"in oyunçularından Vadim Çervaka birbaşa qırmızı vərəqə göstərib.

Qeyd edək ki, gərginliyi ilə diqqət çəkən görüş “Metallurq” kollektivinin 2-1 hesablı qələbəsi ilə bitib. Qonaqların heyətində Oleksey Sidorov dubl edib. Yerli komandadan isə Filipp Budkovski hədəfi dəqiq nişan alıb.

Bu nəticədən sonra xallarının sayını 16-ya çatdıran “Jitomir” 1-ci liqada 2-ci yerdədir. 10 xalı olan “Metallurq” isə 4-cü dür.