Həsrət Cəfərov Olimpiadanın bürünc medalı uğrunda güləşəcək

Yunan-Roma güləşçimiz Həsrət Cəfərov Parisdə təşkil olunan Olimpiadada 3-cü görüşünə çıxıb.

67 kq-dək çəkidə qüvvəsini sınayan pəhləvanımız yarımfinalda Ukraynanı təmsil edən azərbaycanlı idmançı Pərviz Nəsibovla qarşılaşıb.

Soydaşımıza məğlub olan Cəfərov bürünc medal uğrunda mübarizə aparacaq.

Qeyd edək ki, “Paris-2024”ə 1/8 finaldan start verən Həsrət Cəfərov burada misirli Mohamed Elsayedi məğlub edib. Növbəti mərhələdə isə moldovalı Valentin Petiç güləşçimizlə bacarmayıb.