İdmançımız Dünya Kubokunun qalibi olub

Bakıda keçirilən idman gimnastikası üzrə Dünya Kubokunda təmsilçimiz Nikita Simonov qızıl medal qazanıb.

Təsnifat mərhələsində uğurla çıxış edən Nikita finalda da inamlı təsir bağışlayıb. Halqalarla hərəkətlərdə mübarizə aparan Nikita Simonov həlledici mərhələdə 14,633 xal toplayaraq fəxri kürsünün ən yüksək pilləsinə qalxıb.

Qeyd edək ki, mötəbər turnirdə N.Simonovla yanaşı, daha 3 idmançımız – Samirə Qəhrəmanova, Nazənin Teymurova və İvan Tixonov da iştirak edir.