İlk dəfə keçirilən Xankəndi-Bakı ultra marafonundan görüntülər

Xankəndi şəhərində Gənclər və İdman Nazirliyinin Azərbaycan Atletika Federasiyası ilə birgə təşkil etdiyi beynəlxalq ultra marafona start verilib.

Turnirin açılış mərasimində çıxış edən Atletika Federasiyasının prezidenti Cavid Qurbanov belə bir yarışın Xankəndidə təşkilinin böyük fəxr olduğunu bildirib.

Gənclər və İdman Nazirliyinin idman şöbəsinin müdiri Elnur Məmmədov da tarixi anın yaşandığını və ölkəmizin ilk dəfə bu məsafədə beynəlxalq marafon keçirdiyini vurğulayıb.

Daha sonra Azərbaycan Respublikasının dövlət himni səsləndirilb və turnirdə mübarizəyə start verilib.

“İdman həftəsi” və "Yaşıl dünya naminə həmrəylik ili" çərçivəsində keçirilən yarışda idmançılarımızla yanaşı, Türkiyə, Meksika və Moldova təmsilçiləri də iştirak edirlər.

Qeyd edək ki, “Qürurla irəli” şüarı altında baş tutan yarışda iştirakçılar Xankəndi-Yevlax-Ucar, Hacıqabul, Qobustan və Bakı mərhələlərini keçməklə ümumilikdə 380 km məsafə qət edəcəklər.