İngiltərə çempionatı “Çelsi”-“Liverpul” matçı

İngiltərə çempionatında ilk turun mərkəzi matçı “Stemford Bric” arenasında keçirilib.

Yay transfer pəncərəsində heyətlərini yeni futbolçularla gücləndirən “Çelsi” və “Liverpul”un oyununda hesab 18-ci dəqiqədə açılıb. Luis Dias Məhəmməd Salahın ötürməsindən sonra topu qapıya göndərib. Az sonra M.Salah özü də fərqlənsə də, ofsayda görə qol qeydə alınmayıb.

37-ci dəqiqədə meydan sahibləri tarazlığı bərpa ediblər. “Zadəganlar”ın yeni oyunçularından Aksel Disasinin zərbəsi dəqiq olub. İlk hissədə başqa qol qeydə alınmayıb. 2-ci yarıda da tərəflərin fərqlənmək imkanları olsa da, hesab dəyişməyib. “Çelsi” – “Liverpul”:1-1.

İspaniya çempionu “Barselona” La liqanın yeni mövsümündə ilk görüşünü səfərdə “Xetafe”yə qarşı keçirib. “Koliseum Alfonso Peres” stadionunda baş tutan qarşılaşma sərt mübarizə ilə əlamətdar olub. Görüş ərzində qapılar qarşısında təhlükəli vəziyyətlər yaransa da, oyun qolsuz bərabərliklə yekunlaşıb.