İngiltərə çempionatı - “Mançester Yunayted” - “Mançester Siti” matçı

İngiltərə çempionatında 10-cu turun mərkəzi görüşü “Old Trafford” arenasında “Mançester Yunayted” və “Mançester Siti” arasında olub.

3 qolun vurulduğu qarşılaşmada qələbəni “şəhərlilər” bayram ediblər. Hesabı 26-cı dəqiqədə Erlinq Holand açıb. 49-cu dəqiqədə fərq 2-yə yüksəlib. Holand özünün və “Siti”nin 2-ci qolunu vurub.

Bundan sonra da təşəbbüsü əldən verməyən qonaqlar 80-ci dəqiqədə 3-cü dəfə “qırmızı şeytanlar”ın qapısına yol tapıblar. Fil Foden matçda son nöqtəni qoyub. “Mançester Yunayted” – “Mançester Siti”: 0-3.

Çempionluğu hədəfləyən daha bir kollektiv “Liverpul” da eyni hesabla qalib gəlib. “Nottingem Forest”i qəbul edən “qırmızılar”ın heyətində günelDioqu Jota, Darvin Nunyez və Məhəmməd Salah fərqlənib. “Liverpul” – “Nottingem Forest”: 3-0.

Bu nəticədən sonra “Liverpul” 23 xalla Premyer liqada 4-cü yerdədir. 24 xalı olan “Arsenal” və “Mançester Siti” 2-ci, 3-cü yerləri bölüşdürürlər. Yarış cədvəlinə 26 xalla Tottenhem başçılıq edir.