İngiltərə çempionatı: "Arsenal” komandası "Liverpul"u qəbul edib

28 oktyabr 2024 236 baxış

İngiltərə Premyer liqasında 9-cu turun mərkəzi matçı titula iddialı “Arsenal” və “Liverpul” klubları arasında olub.

“Emireyts” arenasında keçirilən görüşdə hesabı 9-cu dəqiqədə meydan sahibləri açıblar. Bukayo Saka “topçular”ı irəli çıxarıb. 18-ci dəqiqədə Vircil van Deyk tarazlığı bərpa edib: 1-1. Bununla belə, ilk hissə London təmsilçisinin üstünlüyü ilə yekunlaşıb. Fasilə ərəfəsində Mikel Merinonun zərbəsi dəqiq olub.

Məğlubiyyətdən qurtulmağa çalışan “qırmızılar” 2-ci yarıda təzyiqi artırıblar. Mersisaydlıların cəhdləri 81-ci dəqiqədə nəticə verib. Məhəmməd Salah fərqlənib. Qalan vaxtda da qapılar önündə təhlükəli vəziyyətlər yaransa da, başqa qol olmayıb. “Arsenal” – “Liverpul”: 2-2.

Bu nəticədən sonra 22 xalı olan baş məşqçi Arne Slotun kollektivi ilk pilləni əldən verib. 2-ci yerdə olan “Liverpul” “Mançester Siti”dən 1 xal geri qalır. 18 xalı olan “Arsenal” isə 3-cüdür.

#Arsenal FK