İsmayıllı komandası beynəlxalq turnirdə 1-ci yerə çıxıb

Tbilisi şəhərində “Gimnastika hamı üçün” növü üzrə turnir keçirilib.

Gimnastradada Gürcüstan, İsrail və Azərbaycandan olan 33 komanda iştirak edib. İsmayıllı komandası uğurlu çıxış edərək 1-ci yerə layiq görülüb.

İsmayıllı Rayon İcra Hakimiyyətinin başçısı Nahid Bağırov komanda üzvləri ilə görüşürək onları qələbə münasibətilə təbrik edib. Komandanın üzvləri İcra Hakimiyyəti, Rayon Gənclər və İdman İdarəsi tərəfindən fəxri fərman və qiymətli hədiyyələrlə təltif edilib.