Pleyeri seçin:
İtaliyalı ulduz futbolçu avtomobil qəzasına düşdü
A Seriyasının ulduz futbolçularından Çiro İmmobile ağır avtomobil qəzasına düşüb.
Belə ki, 33 yaşlı forvardın idarə etdiyi maşın Romada tramvayla toqquşub. Zərbənin gücündən avtomobilin ön hissəsi tamamilə dağılıb. Tramvay isə zədələnərək relsdən çıxıb. Yol-nəqliyyat hadisəsi nəticəsində Çironun onurğasında deformasiyanın yarandığı və qabırğasında sınıq olduğu bildirilib. Avtomobildə onunla birlikdə olan qızı isə xəsarət almayıb.
Qeyd edək ki, qəzadan sonra tramvayın sürücüsü və daha iki sərnişin tibbi yardım göstərilməsi üçün xəstəxanaya yerləşdirilib. Şahidlərin sözlərinə əsasən, tramvay işıqforun qırmızı işığında hərəkət edərək qaydanı pozub və nəticədə qəza baş verib. Hadisə ilə əlaqədar araşdırma davam etdirilir.
Kopyalandı
