Joze Mourinyo İspaniya nəhəngində işə başlayacaq

“Roma” klubundan qovulan Joze Mourinyo yenidən İspaniya çempionatında işləyə bilər.

Xarici mediada yayılan məlumata görə, “Barselona” rəhbərliyi 60 yaşlı mütəxəssisi baş məşqçi kimi dəvət etməyi planlaşdırır.

Belə ki, Xavinin çalışdırdığı “Barsa” cari mövsümdə qeyri-sabit nəticələrlə diqqət çəkir. Bir neçə gün əvvəl Super Kubokun finalında “Real”a ağır məğlubiyyət isə Xavinin mövqeyini bir qədər də zəiflədib. 43 yaşlı məşqçinin istefaya göndəriləcəyi təqdirdə idarə heyəti məhz J.Mourinyonu komandanın sükanı arxasına gətirmək niyyətindədir.

Qeyd edək ki, Joze Mourinyo 2010-2013-cü illərdə “Barselona”nın əzəli rəqibi “Real Madrid”in baş məşqçisi olub. “Kral klubu” onun dövründə La Liqada qalib gəlməklə yanaşı, ölkə Kuboku və Super Kubokunda qələbə qazanıb.

Əlavə edək ki, kataloniyalıların hazırkı çalışdırıcısı Xavi 2021-ci ildən kollektivdə işləyir. Klubun əfsanəsi olan mütəxəssisin rəhbərliyi ilə “Barsa” ötən mövsüm İspaniya çempionatı və Super Kubokunda qalibiyyətə sevinsə də, hazırda La Liqada 4-cü pillədədir.