Pleyeri seçin:
Kamerun millisinin məşhur forvardının “Qarabağ” klubu ilə danışıqlar apardığı haqda xəbərlər yayılıb
Futbol üzrə Kamerun millisinin forvardı Vensan Abubakarın Azərbaycan çempionu “Qarabağ” klubu ilə danışıqlar apardığı haqda xəbərlər bir müddətdir ki, müzakirə olunur.
Türkiyə mətbuatında isə bu barədə yeni iddia irəli sürülüb. V.Abubakar bu günlərdə Türkiyənin “Hatayspor” klubu ilə müqaviləni qarşılıqlı şəkildə ləğv edib. İndi onun Çempionlar Liqasında oynamaq istəyi və buna görə də “Qarabağ”a keçməkdə maraqlı olduğu qeyd olunur.
Digər məlumata görə isə 33 yaşlı forvardla klub səviyyəsində danışıq olmayıb.
Bununla yanaşı, Ağdam təmsilçisinin skautları uzun müddətdir hücumçu axtarışındadır və bir neçə əcnəbi forvardın nümayəndəsi ilə artıq danışıqları olub. İstisna deyil ki, V.Abubakarla da danışıqlar hələlik menecerlər səviyyəsində aparılır.
Kopyalandı
Seçilmişlər
