Pleyeri seçin:
Karateçimiz İrina Zaretska Premyer liqa turniri
Ölkəmizin məşhur idmançılarından İrina Zaretska daha bir yarışda qalib gəlib.
Mərakeşdə keçirilən Premyer liqa turnirində iştirak edən 27 yaşlı karateçimiz fəxri kürsünün ən yüksək pilləsinə qalxıb.
68 kq çəki dərəcəsində mübarizə aparan İrina Rabatdakı yarışın finalında isveçrəli Yelena Quiriçi ilə üz-üzə gəlib. Həlledici qarşılaşmanı 4-0 hesabı ilə xeyirinə tamamlayan İ.Zaretska karyerasına daha bir zəfər əlavə edib.
Qeyd edək ki, 2015-ci ildən Azərbaycan millisinin üzvü olan İ.Zaretska 2 qat dünya və 2 qat Avropa çempionudur. Ukrayna əsilli idmançı eyni zamanda Bakı-2015 Avropa Oyunları, habelə 2017 və 2022-ci illərdə İslam Həmrəyliyi Oyunlarında da qızıl medala yiyələnib.
Kopyalandı
Seçilmişlər
