Kevin Medina “Qarabağ”dan ayrılır?

“Qarabağ”ın aparıcı futbolçularından Kevin Medina klubdan ayrıla bilər.

KİV-də yayılan məlumata görə, kolumbiyalı legioner “Alanyaspor”un transfer hədəfidir. 30 yaşlı müdafiəçinin çıxışını diqqətlə izləyən Superliqa təmsilçisi onu yayda heyətə qatmaq niyyətindədir.

Son xəbərlərə əsasən, “Alanyaspor”un baş məşqçisi Ərsun Yanal da Kevinin oyununu bəyənir. Xatırladaq ki, daha əvvəl “Ankaragücü”nün də K.Medinanı transfer etmək istədiyi bildirilsə də, oyunçu yekunda “Qarabağ”da qalmaq qərarını vermişdi.