Kilian Mbappe "Real"da bu qədər qazanacaq

“Real Madrid” dünya futbolunun əsas ulduzlarından, dəyəri 180 milyon avro olan Kilian Mbappeni heç bir məbləğ ödəməyərək heyətinə qatıb.

İspaniya nəhəngindən verilən rəsmi məlumata görə, 25 yaşlı hücumçu ilə 5 illik müqavilə imzalanıb. Sözləşmənin digər şərtləri açıqlanmasa da, Kilianın “Real”da ən çox məvacib alan oyunçu olacağı bildirilir. Onun illik gəlirinin təqribən 30 milyon avro olacağı güman edilir.

Eyni zamanda azad agent kimi Madrid təmsilçisinə keçən K.Mbappe buna görə də əlavə 150 milyon avro bonus alacaq.