Mbappenin sağ dizi əvəzinə sol dizini müalicə ediblər?

“Real”ın hücumçusu Kilian Mbappe diz zədəsindən sonra bərpa olunsa da, ətrafında qalmaqallı iddialar yayılıb. 

27 yaşlı futbolçunun klubunda müayinəsi zamanı səhv buraxılıb – həkimlərin Mbappenin zədələnmiş dizi əvəzinə digər dizini yoxladığı iddia olunur.

Oyunçunun yaxın çevrəsi bu hadisədən şoka düşüb və belə bir səhvin bu səviyyəli klubda necə baş verə bildiyini anlamırlar. Buna baxmayaraq, Mbappe artıq zədədən sonra iki oyunda meydana çıxıb.

O, UEFA Çempionlar Liqasının 1/8 final mərhələsinin cavab matçında “Mançester Siti” və İspaniya La Liqasında “Atletiko” ilə qarşılaşmalarda sonradan oyuna daxil olub. Hər iki matç “kral klubu”nun qələbəsi ilə başa çatıb – müvafiq olaraq 2:1 və 3:2.

Digər tərəfdən, Fransa millisinin baş məşqçisi Didye Deşam Mbappeni bu yaxınlarda keçiriləcək yoxlama oyunları üçün yığma komandanın heyətinə dəvət edib.