Pleyeri seçin:
Kilian Mbappenin "Real"da təqdimatı baş tutub
“Real Madrid” heyətin yeni üzvü Kilian Mbappe üçün rəsmi təqdimat mərasimi təşkil edib.
“Santyaqo Bernabeu” arenasında keçirilən tədbirdə futbolçunun ailə üzvləri, eləcə də klubun əfsanələri iştirak ediblər.
80 mindən artıq azarkeşin tribunadan izlədiyi mərasimin əvvəlində “Real”ın prezidenti Florentino Peres çıxış edərək Kilianı salamlayıb. Ona yeni komandasında uğurlar arzulayan funksioner Mbappenin “los blankos”la böyük nailiyyətlər qazanacağına ümid etdiyini deyib.
Daha sonra çıxış edən Kilian uşaqlıq arzusunun reallaşdığını və Madrid təmsilçisinə qoşulduğu üçün xoşbəxt olduğunu bildirib.
Qeyd edək ki, ulduz futbolçu təqdimat mərasimindən əvvəl tibbi müayinədən keçərək “Real Madrid”lə 5 illik müqavilə imzalayıb. O, yeni kollektivdə 9 nömrəli forma ilə top qovacaq.
Kopyalandı
