Kilian Mbappenin “Real Madrid”də qazanacağı məbləğ məlum olub

Yayda PSJ-dən ayrılaraq “Real Madrid”ə qoşulmağa qərar verən Kilian Mbappenin burada qazanacağı məbləğ məlum olub.

Xarici KİV-də yayılan məlumata görə, 25 yaşlı forvard “kral klubu”nda mövsümdə 60 milyon avro əldə edəcək. Hətta iddia olunur ki, “Real”la müqavilə imzaladığı üçün Mbappeyə 100 milyon avro mükafat da veriləcək.

Qeyd edək ki, “Monako”nun yetirməsi olan Kilian Mbappe 2017-ci ildən “Pari Sen-Jermen”də çıxış edir. Bu müddət ərzində 288 matçda 241 qol vuran hücumçu parislilərlə Liqa 1-də 5, Fransa kubokunda 3, Liqa kubokunda isə 2 dəfə qələbə qazanıb.