Pleyeri seçin:
Klublarımız avrokuboklarda uğur qazanacaq? | Azarkeşlərin narazı olduğu məsələlər
“İdmanda nə baş verir?” podkastının növbəti buraxılışı yayımlanıb.
Bu dəfə proqramın qonağı idman jurnalisti Kənan Həsənov olub.
Verilişdə Azərbaycan komandalarının avrokuboklardakı çıxışı müzakirə edilib, müxtəlif təxminlər irəli sürülüb.
Kənan Həsənovun sözlərinə görə, Çempionlar Liqasının 2-ci təsnifat mərhələsində “Qarabağ”ın potensial rəqibləri olan “Linfild” və “Şelburn” komandaları Ağdam klubuna ciddi problem yaratmayacaq.
“Sərgilənəcək oyun baxımından “Qarabağ” hər iki rəqibindən bir addım öndə görünür. Ümid edirəm ki, bunu meydanda da sübut edəcək”, – deyə jurnalist bildirib.
Kənan Həsənov həmçinin “Qarabağ”ın heyətindəki dəyişikliklərə də toxunub. O, Yassin Benzia və Marko Veşoviçin komandadan ayrılmasını gözlənilməz adlandırıb:
“Marko Veşoviçin gedişi “Qarabağ” üçün ciddi itkidir. Eyni sözləri Yassin Benzia haqqında da demək olar. Onun komandaya verdiyi töhfə və faydalı oyun əmsalı olduqca yüksək idi”.
Kopyalandı
Seçilmişlər
