İdman
Pleyeri seçin:
Konfrans liqası: “Fənərbağça” və “Beşiktaş”dan uğursuz nəticə
UEFA Konfrans liqasında qrup mərhələsinin 5-ci turu Türkiyə klubları üçün uğursuz alınıb. Danimarkada “Norşellan”la üz-üzə gələn “Fənərbağça” 1-6 hesabı ilə məğlub olub.
Meydan sahiblərindən Benyamin Nüqrenin het-trik etdiyi görüşdə, “Norşellan”ın digər qollarını Lukas Hey, Daniel Svensson və Kristian Rasmussen vurub. İstanbul təmsilçisinin yeganə qolu isə Mişi Batşuayinin aktivindədir.
Bu nəticədən sonra 9 xalı olan “Fənər” H qrupunda liderliyi əldən verərək, 3-cü pilləyə enib. Komanda növbəti turda Slovakiyanın “Trnava” kollektivi ilə qarşılaşacaq.
Uğursuzluq zolağından çıxa bilməyən “Beşiktaş” isə “Brügge” ilə bacarmayıb. İstanbulda baş tutan oyun Belçika klubunun 5-0 hesablı qələbəsi ilə bitib.
5 matçdan sonra D qrupunda qalibiyyəti olmayan “Beşiktaş” 1 xalla sonuncu yerdədir. 6-cı turda isə “qara qartallar” səfərdə İsveçrənin “Luqano” komandası ilə üz-üzə gələcək.
Kopyalandı
Seçilmişlər
