"Samsunspor" UEFA Konfrans Liqasında ilk məğlubiyyətini aldı

UEFA Avropa Liqasının əsas mərhələsində VI tura yekun vurulub.

Türkiyənin turnirdəki yeganə təmsilçisi “Fənərbağça” Norveçdə “Brann” klubunun qonağı olub.

Oyunda hesabı 5-ci dəqiqədə Kərəm Aktürkoğlu açıb. Matçın 36-cı dəqiqəsində isə Anderson Talişka fərqlənərək hesab arasındakı fərqi artırıb.

Fasilədən sonra da braziliyalı futbolçu adından söz etdirməyi bacarıb. 44 və 65-ci dəqiqələrdə rəqib torunu silkələyən Talişka het-trikə imza ataraq komandasının 4-0 hesablı qələbəsini rəsmiləşdirib.

Bu qələbə sayəsində xallarının sayını 12-yə çatdıran “Sarı Bülbüllər” turnir cədvəlinin 12-ci pilləsində yer alıb.

UEFA Konfrans Liqasının Liqa mərhələsində isə Türkiyənin turnirdəki yeganə təmsilçisi “Samsunspor” ilk məğlubiyyətini alıb. Doğma meydanda Yunanıstan AEK-inə 1-2 hesabı ilə məğlub olan “Samsunspor” aktivindəki 10 xalla 5 turdan sonra 1-ci pillədəki mövqeyindən 5-ci yerə yuvarlanıb.