Kriştiano Ronaldo daha bir dünya rekorduna imza atıb

Futbol tarixinin ən yaxşı oyunçularından Kriştiano Ronaldo daha bir dünya rekorduna imza atıb.

Portuqaliyalı superulduz ölkə çempionatlarında ən çox fərqlənən futbolçu adına yiyələnib. 38 yaşlı hücumçu bu uğura “Əl-Şabab”la qarşılaşmada nail olub.

“Əl-Nəsr”in üzvü Səudiyyə Ərəbistanı çempionatının 4-cü tur matçında dubl edərək milli çempionatlarda 517-ci qolunu vurub. Bununla da, Kriştiano futbol əfsanələri Yozef Bitsan və Ferents Puşkası geridə qoyub.