Kriştiano Ronaldo İranda izdihamla qarşılandı

Dünya futbolunun superulduzu Kriştiano Ronaldo komandası “Əl-Nəsr”lə birlikdə İrana səfər edib.

Portuqaliyalı hücumçunun Tehrana gəlişi yerli əhali tərəfindən böyük coşğu ilə qarşılanıb.

İzdiham səbəbindən “Əl-Nəsr”in məşqi də təxirə salınıb. Məşqə qatıla bilməyən Kriştianoya İran xalçası hədiyyə edilib. Onun komanda yoldaşlarına isə internetə çıxışı olan simkartlar verilib.

Qeyd edək ki, “Əl-Nəsr” sentyabrın 19-u Asiya Çempionlar liqasının qrup mərhələsi çərçivəsində İranın “Persopolis” kollektivi ilə qarşılaşacaq. “Azadi” stadionunda baş tutacaq matça saat 22:00-da start veriləcək.