İdman
Pleyeri seçin:
“Liverpul”un məşhur futbolçusunun valideynləri oğurlanıb
“Liverpul”un məşhur futbolçusu Luis Diasın valideynləri oğurlanıb.
Mediada yayılan məlumata görə, silahlı şəxslər oktyabrın 28-i Kolumbiyanın Barrankas şəhərində Diasın valideynlərinin yolunu kəsərək, onları motosikletlə qaçırıblar. Oyunçunun anası cəmi bir neçə saat sonra xilas edilsə də, atasının axtarışları hələ də davam etdirilir.
İddia edilir ki, Luisin illik məvacibinin 3 milyon dollardan çox olması valideynlərinin qaçırılmasının əsas səbəblərindən biri ola bilər. Son xəbərlərə görə, Diasın atasının axtarışına polis orqanları ilə yanaşı, ordu da cəlb olunub.
Qeyd edək ki, Luis Dias 2021-ci ildə “Portu” klubundan “Liverpul”a transfer edilib. Bu müddət ərzində 58 oyunda meydana çıxan forvard 14 qolla yadda qalıb. Komandanın aparıcı futbolçularından olan Dias qırmızılarla FA kubokunu qazanmaqla yanaşı, liqa kuboku və İngiltərə super kubokunda qalib olub.
Kopyalandı
Seçilmişlər
