Mauro İkardi “Qalatasaray”dan getməyə yaxındır

“Qalatasaray”ın əsas hücumçusu Mauro İkardi komandadan ayrıla bilər.

Bununla bağlı xəbər Türkiyə mediasında yayılıb. 31 yaşlı forvard İtaliyanın “Komo” klubunun transfer hədəfidir.

Bildirilir ki, 21 ildən sonra A Seriyasına qayıdan kollektiv irəli xətti argentinalı futbolçu ilə gücləndirmək istəyir. Hətta İtaliya təmsilçisinin “cimbom”a rəsmi təklif göndərdiyi barədə də məlumat var.

Qeyd edək ki, “Komo” Mauro ilə yanaşı, “Lester Siti”nin lideri Ceymi Vardi və “İnter”in üzvü, icarə əsasında “Marsel”də oynayan Xoakin Korreanı heyətə qatmaq niyyətindədir. Klub bu futbolçular üçün də artıq rəsmi təklif göndərib.