Pleyeri seçin:
Millimizin üzvü Renat Dadaşov Polşa klubunda ilk qolunu vurub
Azərbaycan millisinin futbolçusu Renat Dadaşov Polşanın “Radomyak” klubunda ilk qolunu vurub.
25 yaşlı forvard debüt matçında fərqlənməyi bacarıb. Renat çempionatın XXIII turunda “Vidzev”lə qarşılaşmanın 80-ci dəqiqəsində meydana daxil olub. R.Dadaşov cəmi 10 dəqiqə sonra rəqib qapısına yol tapıb. Sözügedən qarşılaşma komandaların 1-1 hesablı bərabərliyi ilə bitib.
Qeyd edək ki, “Radomyak” kollektivi ötən ay Renat Dadaşovu heyətinə qatdığını açıqlayıb. Təcrübəli oyunçu müqavilə müddətini 1 il uzatmaq şərti ilə 2025-ci ilin iyununa qədər bu komandanın formasını geyinəcək.
Kopyalandı
Seçilmişlər
