İdman
Pleyeri seçin:
“Neftçi” klubu Azərbaycan Kubokunda matça çıxır
“Neftçi” komandası bu gün növbəti matçına çıxacaq.
“Ağ-qaralar” Azərbaycan kubokunun 1/8 finalında I liqa klublarından “Difai” ilə üz-üzə gələcək.
Bakı vaxtı ilə saat 18:00-da başlayacaq görüş “Neftçi Arena”da təşkil olunacaq. Oyunun baş hakimi isə Elvin Bayramov olacaq.
Qeyd edək ki, bu qarşılaşma ərəfəsində son 5 görüşün 2-də məğlub olan və 2-də heç-heçə əldə edən “Neftçi” 1 dəfə isə qalib gəlib. Son olaraq Premyer liqa çərçivəsində “Qarabağ”la qarşılaşan paytaxt təmsilçisi doğma stadionda baş tutan matçda “köhlən atlar”a 0-3 hesabı ilə məğlub olub. Qonaqların qollarını dubl edən Leandro Andrade ilə yanaşı, Nəriman Axundzadə vurub. Bu nəticədən sonra “ağ-qaralar”ın aktivində əvvəlki kimi 13 xal var.
“Neftçi” bu göstərici ilə yarış cədvəlində 8-ci pillədə qərarlaşıb. Komanda çempionat çərçivəsində növbəti görüşünü dekabrın 8-i Sumqayıtda keçirəcək. Eyni adlı kollektivə qarşı oyunun start fiti saat 18:00-da veriləcək.
Kopyalandı
Seçilmişlər
