“Neftçi” növbəti dəfə azarkeşlərini sevindirib

Türkiyədə təlim-məşq toplanışında olan “Neftçi” daha bir yoxlama matçına çıxıb.

Baş məşqçi Roman Qriqorçukun komandası “Sivasspor”la üz-üzə gəlib.

Ərzurum bölgəsində keçirilən qarşılaşmada ilk hissə Mark Tamaşın qolu sayəsində “ağ-qaralar”ın xeyrinə bitib.

74-cü dəqiqədə Aleks Pritçard Superliqa təmsilçisinin bərabərlik qolunu vursa da, çox keçmədən komandamız yenidən üstünlük əldə edib. Yeqor Boqomolski hədəfi dəqiq nişan alıb.

Qalan vaxtda başqa qol olmayıb və görüş “Neftçi”nin 2-1 hesablı qələbəsi ilə başa çatıb.