“Pari Sen-Jermen”dən Kilian Mbappe ilə bağlı növbəti plan

PSJ klubu müqaviləsini uzatmaq istəməyən Kilian Mbappenin gedişindən qazanc əldə etmək istəyir.

Bildirilib ki, parislilər oyunçunun azad agent kimi kollektivdən gedəcəyi ilə artıq barışıblar. Bununla belə, rəhbərlik Kilianın “Real” tərəfindən ona ödəniləcək imza bonusundan PSJ-nin xeyrinə imtina edəcəyinə ümid edir. Yayılan məlumata görə, bu, təqribən 100 milyon avrodur.

Qeyd edək ki, Fransa nəhəngi ilə sözləşməsi yayadək olan Kilian Mbappenin yaxın günlərdə “Real”la müqavilə imzalaması gözlənilir.

Xatırladaq ki, parislilərin 2018-ci ildə 180 milyon avroya transfer etdiyi hücumçu cari mövsümdə 22 qarşılaşmada 21 qol vurub. Ümumən PSJ forması ilə 293 görüşdə 244 qolun müəllifi olan Kilian Mbappe Liqa 1-də 5, Fransa Kuboku və Super Kubokunda 3, Liqa Kubokunda isə 2 dəfə qələbə qazanıb.