Pəhləvanlarımız bir gündə 3 qızıl medal qazanıb

Yunan-Roma güləşi üzrə millimizin 3 üzvü Avropa çempionatında qızıl medal qazanıb.

Təmsilçilərimizdən 60 kq-da yer alan Nihat Məmmədli mükafat uğrunda görüşdə serbiyalı Georgi Tibilovu məğlub edib. Bununla da Nihat 2-ci dəfə qitə çempionu adına yiyələnib.

67 kq-da yer alan Həsrət Cəfərov həlledici qarşılaşmada bolqarıstanlı Əbu Müslim Amayevlə üz-üzə gəlib. Rəqibini 7-1 hesabı ilə üstələyən Həsrət 3-cü dəfə Avropa çempionatının qalibi olub.

82 kq çəkidə çıxış edən Qurban Qurbanov da fəxri kürsünün ən yüksək pilləsinə qalxıb. Pəhləvanımız medal uğrunda görüşdə macarıstanlı Erik Silvassini 6-0 hesabı ilə məğlub edərək 1-ci yeri tutub.

Digər yunan-Roma güləşçimiz Ülvü Qənizadə isə Slovakiyadakı turnirdə bürünc mükafata yiyələnib. Bolqarıstan nümayəndəsindən güclü olan Ülvü növbəti medalı yığmamızın aktivinə yazdırıb.