Pleyeri seçin:
Portuqaliya millisi Lüksemburq yığmasına 9-0 hesabı ilə qalib gəlib
Xəbərlərimizi Google-da izləyin
Yeniliklərdən dərhal xəbərdar olun
Portuqaliya yığması AVRO-2024-ün seçmə mərhələsində Lüksemburq millisini 9-0 hesabı ilə darmadağın edib.
“Alqarve” stadionunda baş tutan matçın ilk hissəsində pireneylilərin heyətində Qonsalu İnasiu və Qonsalu Ramuş dubl ediblər. 2-ci yarıda daha 2 qol vuran Ramuş pokerini rəsmiləşdirib.
Bundan başqa, Dioqu Jota da Lüksemburq komandasının qapısına 2 dəfə yol tapıb. Digər toplar Rikardo Orta, Brunu Fernandeş və Joao Felişin aktivindədir.
J qrupunun digər oyununda İslandiya seçməsi Bosniya və Herseqovina kollektivinə qalib gəlib. Görüşdə yeganə qolu əsas vaxta artırılan dəqiqələrdə Alfred Finnboqason vurub. Bu nəticələrdən sonra Portuqaliya millisi maksimum nəticə ilə qrupun lideridir.
5 xal geri qalan Slovakiya komandası 2-ci, ardıcıl 3 qalibiyyətdən sonra uduzan Lüksemburq isə 10 xalla 3-cüdür. Hərəyə 6 xalı olan Bosniya və Herseqovina və İslandiya milliləri 4-cü 5-ci yerləri bölüşdürürlər. 6 turdan sonra xalsız qalan Lixtenşteyn isə qrup sonuncusudur.
Kopyalandı
Seçilmişlər
