“Qalatasaray”ın ulduzu məşhur kluba keçəcək

10 may 2024 257 baxış

“Qalatasaray”ın aparıcı futbolçularından Kərəm Aktürkoğlu karyerasını İtaliyada davam etdirməyə yaxındır.

Türkiyə mediasında yayılan xəbərə əsasən, 25 yaşlı oyunçunun dəvətində “Latsio” maraqlıdır.

Bildirilir ki, “byankoselesti” keçidə görə 10 milyon avro ödəməyə hazırdır və artıq bununla bağlı İstanbul klubuna rəsmi təklif göndərib. Ancaq “cimbom” müqaviləsi 2026-cı ilədək olan vingerin transferindən 15 milyon avro qazanmaq niyyətindədir. Bu səbəbdən hazırda tərəflər arasında danışıqlar davam edir.

Qeyd edək ki, Kərəm Aktürkoğlu 2020-ci ildən “Qalatasaray”ın üzvüdür. “Erzincanspor”dan azad agent kimi gələn futbolçu “sarı-qırmızılar”ın heyətində 170 matça çıxıb. Bu görüşlərdə 44 qol vuran və 39 assist edən Kərəm komanda ilə ölkə çempionatı və superkubokunda qalib gəlib. 2021-ci ildən milliyə də çağırılan Aktürkoğlu Türkiyə yığmasında 28 qarşılaşmada 5 qolun müəllifidir.

#Qalatasaray FK