Pleyeri seçin:
“Qarabağ” yayda bu futbolçu ilə vidalaşmağa hazırlaşır
“Qarabağ”ın legionerlərindən Redon Cica bu yay komandadan gedəcək.
Son xəbərlərə əsasən, klub artıq bununla bağlı yekun qərarını verib və baş məşqçi Qurban Qurbanov Cicanın ayrılmasına etiraz etmir.
İddia olunur ki, “köhlən atlar” albaniyalı hücumçunun başqa kollektivə icarə variantını nəzərdən keçirir. Onun tam transferi ilə bağlı yaxşı təklif gələcəyi təqdirdə isə klub buna etiraz etməyəcək və Redonun müqaviləsinə xitam veriləcək.
Qeyd edək ki, Cica 2023-cü ilin yanvarından Ağdam təmsilçisinin formasını geyinir. 550 min avroya ölkəsinin “Tirana” komandasından cəlb olunan 26 yaşlı forvard cari mövsümdə cəmi 17 matça qatılıb və 4 qol vurub. Ümumən isə “Qarabağ”ın heyətində 69 qarşılaşmada 12 qolun müəllifidir.
Kopyalandı
Seçilmişlər
