İdman
Pleyeri seçin:
Qubada "İdman paytaxtı 2024"ün açılış mərasimi keçirilib
Qubada Gənclər və İdman Nazirliyinin təşkilatçılığı ilə “İdman paytaxtı 2024”ün açılış mərasimi keçirilib.
Tədbirdə Quba Rayon İcra Hakimiyyətinin başçısı İlqar Mahmudov, gənclər və idman naziri Fərid Qayıbov, eləcə də idmançılar iştirak ediblər.
Açılış mərasiminin əvvəlində Azərbaycan Respublikasının Dövlət Himni səsləndirilib. Daha sonra idmançıların nümunəvi çıxışlarına start verilib. Tədbirin davamında “İdman paytaxtı 2024”ün “Fuji” adlı maskotunun təqdimatı olub. Daha sonra nazir Fərid Qayıbov “İdman paytaxtı”nın rəmzi açarını Quba rayonunun icra başçısı İlqar Mahmudova təqdim edib.
Qeyd edək ki, açılış mərasimində basketbol, stolüstü tennis, sambo, taekvondo, cüdo, güləş, boks, futbol və digər idman növləri üzrə çıxışlara yer verilib. Tədbir bədii hissə ilə davam edib.
Kopyalandı
Seçilmişlər
