Pleyeri seçin:
"Barselona"nın futbolçusu 50 milyon avroya PSJ-yə keçdi
PSJ klubu heyətini “Barselona”nın hücumçusu Usman Dembele ilə gücləndirib.
Parislilər 26 yaşlı vinger üçün “blauqrana”ya 50 milyon avro ödəyəcəklər. Klubla 5 illik müqavilə imzalayan U.Dembele burada 23 nömrəli formada çıxış edəcək.
Qeyd edək ki, 2017-ci ildən “Barselona”da top qovan futbolçu bu müddət ərzində 127 oyuna çıxıb, 24 qolla yadda qalıb. Eyni zamanda o, Kataloniya təmsilçisi ilə La Liqa və İspaniya Super Kubokunda qalib gəlib.
“Barselona” ilə yanaşı, “Bavariya” kollektivi də məşhur futbolçunu heyətinə qatıb. “Rekordmayster” “Tottenhem”in ulduzlarından olan Harri Keynlə 4 illik müqavilə imzalayıb. Transferin maliyyə detalları açıqlanmasa da, “Bavariya”nın bu keçid üçün 120 milyon avro ödədiyi iddia olunur.
Maraq üçün deyək ki, “Tottenhem”in yetirməsi olan H.Keyn bütün turnirlərdə 435 matçda 280 qola imza atıb.
Kopyalandı
#Usman Dembele teqi istifadə olunub
