Pleyeri seçin:
"Fənərbağça" klubu Superliqadan ayrıla bilər
Türkiyə nəhəngi "Fənərbağça"nın İdarə Heyəti Super Liqadan çıxmaq barədə qərar qəbul edə bilər.
Bununla bağlı klubun mətbuat xidmətindən məlumat verilib. Bildirilir ki, məsələ direktorlar şurasının aprelin 2-də baş tutacaq növbəti iclasında müzakirəyə çıxarılacaq. İstanbul təmsilçisinin rəhbərliyi komandanın bu mövsüm ölkə çempionatında üzləşdiyi mənfi halları dəyərləndirərək qərar qəbul edəcək.
Xatırladaq ki, “Fənər”in bu cür addım atmasının səbəbi 30-cu turda "Trabzonspor"la oyundan sonra qalmaqal yaşanmasıdır. Belə ki, İstanbul klubunun futbolçuları qazandıqları qələbəni qeyd edərkən trabzonlu azarkeşlər meydana daxil olaraq onlara hücum ediblər. Bu vaxt tərəflər arasında dava düşüb. Hadisəyə təhlükəsizlik əməkdaşları müdaxilə ediblər.
Qeyd edək ki, sözügedən qarşılaşma "Fənərbağça"nın 3:2 hesablı qələbəsi ilə yekunlaşıb.
Kopyalandı
#Türkiyə Super Liqası teqi istifadə olunub
Seçilmişlər
