Pleyeri seçin:
"Fənərbağça" və "Beşiktaş" Konfrans liqasında növbəti oyunlarını keçirib
Son görüşlərdə inamlı təsir bağışlayan “Fənərbağça” UEFA Konfrans liqasında növbəti qələbəsini qazanıb.
İstanbul nəhəngi 3-cü tur çərçivəsində Bolqarıstanın “Ludoqorets” kollektivi ilə üz-üzə gəlib. “Şükrü Saracoğlu” arenasında keçirilən matç Mixa Zaytsın dublu və Mişi Batşuayinin qolu sayəsində “Fənər”in 3-1 hesablı qalibiyyəti ilə bitib. Bu nəticədən sonra xallarının sayını 9-a çatdıran “Fənərbağça” H qrupunda liderliyini davam etdirir.
bu yarışdakı daha bir təmsilçisi “Beşiktaş” isə yenə azarkeşlərini məyus edib. Ötən turda İsveçrənin “Luqano” kollektivinə uduzan “qara qartallar” bu dəfə Norveçdə “Budo Qlimt”lə bacarmayıb. Qarşılaşma meydan sahiblərinin 3-1 hesablı qələbəsi ilə yekunlaşıb.
Ardıcıl 2-ci oyunda məğlub olan “Beşiktaş” D qrupunda 4-cü yerdədir. Lider isə 7 xalı olan Belçikanın “Brügge” klubudur.
Kopyalandı
