"Füzuli" futbolçuları Azərbaycan Ordusuna dəstək oldu

Futbol üzrə ölkəmizin II liqasında “Qusar” komandası ilə matçda fərqlənən “Füzuli” oyunçuları əsgər salamı veriblər. Bununla da, onlar qolu Azərbaycan Ordusuna həsr ediblər.

Qeyd edək ki, II liqanın 3-cü turu çərçivəsində keçirilən “Füzuli” – “Qusar” matçı 1-0 hesabı ilə yekunlaşıb. Oyunda yeganə qolu 54-cü dəqiqədə Təmraz Əmircanov vurub. “Füzuli” komandasının 7 nömrəli futbolçusu 11 metrlik cərimə zərbəsini dəqiq yerinə yetirib.