İdman
Pleyeri seçin:
"Mançester Siti"nin ulduzu karyerasını İspaniyada davam etdirə bilər
“Mançester Siti”nin argentinalı ulduzu Xulian Alvares klubdan ayrılmağa yaxındır.
Gənc futbolçu “Atletiko Madrid”in əsas transfer hədəfidir. Belə ki, baş məşqçi Dieqo Simeone komandadan ayrılmağa hazırlaşan Moratanın yerinə X.Alvaresi dəvət etməyi planlaşdırır.
Bildirilib ki, ötən mövsüm hücum xəttində problemlər yaşayan Madrid klubu Xulianı heyətini gücləndirmək üçün əsas namizəd hesab edir.
Qeyd edək ki, “Mançester Siti”nin 2022-ci ilin yayında 21 milyon avroya transfer etdiyi Xulian Alvares bütün yarışlarda 103 matçda iştirak edib. Bu oyunlarda 36 qol və 18 məhsuldar ötürmə müəllifi olan 24 yaşlı forvard komanda ilə 2 dəfə İngiltərə Premyer Liqasını qazanmaqla yanaşı, Çempionlar Liqası, klublararası dünya çempionatı, eləcə də İngiltərə Kuboku və UEFA Super Kubokunun qalibi olub.
Kopyalandı
