"Neftçi" klubu bu futbolçusu ilə yollarını ayırıb

26 noyabr 2024 179 baxış

“Neftçi” klubu komandanın üzvü Andre Şinyaşiki ilə vidalaşıb.

Bu barədə paytaxt təmsilçisinin rəsmi sosial media hesablarında məlumat verilib.

Qeyd olunub ki, braziliyalı hücumçunun müqaviləsinə qarşılıqlı razılıq əsasında xitam verilib. Təcrübəli oyunçuya göstərdiyi xidmətlərə görə təşəkkür edən “ağ-qaralar” ona gələcək karyerasında uğurlar arzulayıb.

Xatırladaq ki, Andre Şinyaşiki 2023-cü ilin avqustunda azad agent kimi “Neftçi”yə qoşulub. Bu müddət ərzində paytaxt təmsilçisinin heyətində 38 matça çıxan forvard 5 qol vurub və 7 məhsuldar ötürmə müəllifi olub. Onun “Transfermarkt” portalına əsasən dəyəri 800 min avrodur.

Əlavə edək ki, çempionatın son turunda “Zirə”yə 2-1 hesabı ilə qalib gələn “Neftçi”nin aktivində 13 xal var. 8-ci pillədə qərarlaşan “ağ-qaralar” növbəti turda lider “Qarabağ”la üz-üzə gələcək. Bu görüş dekabrın 1-i “Neftçi Arena”da keçiriləcək.

#Neftçi FK