"Neftçi" Türkiyədə təlim məşq toplanışında

“Neftçi” klubu yeni mövsümə hazırlığı davam etdirir.

Türkiyənin Ərzurum bölgəsində təlim-məşq toplanışında olan komanda baş məşqçi Roman Qriqorçukun rəhbərliyi ilə hər gün 2 dəfə məşqə çıxır.

“Ağ-qaralar” səhər hazırlığında fiziki, axşam məşqində isə əsasən topla hərəkətlər yerinə yetirirlər.

Qeyd edək ki, “Neftçi” toplanış çərçivəsində ümumilikdə 4 yoxlama oyunu keçirəcək. Paytaxt təmsilçisi iyulun 13-ü ilk sınaq matçında “Alanyaspor”la üz-üzə gələcək. İkinci yoxlama görüşü isə iyulun 17-si “Sivasspor”a qarşı olacaq.

Xatırladaq ki, “Neftçi” yeni mövsüm ərəfəsində bir sıra futbolçularla yollarını ayırıb. “Ağ-qaralar” Ataa Caber, İvan Brkiç, Aqil Məmmədov, Rezuan Mirzov, Eddi İsrafilov və Ömər Buludovla vidalaşıb. Əvəzində klub Monteneqro millisinin futbolçusu Edvin Kuç və yığmamızın üzvü Emil Səfərovu heyətinə qatıb.