"Neftçi"nin kapitanı Emin Mahmudovun son vəziyyəti açıqlanıb

“Neftçi” komandasının kapitanı Emin Mahmudovun son vəziyyəti açıqlanıb.

“Ağ-qaralar”ın Mətbuat Xidmətindən verilən məlumata görə, çempionatın 26-cı turunda “Kəpəz”lə matçda zədələnən E.Mahmudovun daban oynağında ödəm müşahidə olunur, bağlarda isə ciddi zədə yoxdur. Hazırda müalicə prosesini davam etdirən Eminin yaxın günlərdə məşqlərə qoşulması planlaşdırılır.

Qeyd edək ki, Emin Mahmudovun zədələndiyi 26-cı turun “Kəpəz” – “Neftçi” görüşü 3-3 hesabı ilə yekunlaşıb. Qarşılaşmada paytaxt təmsilçisinin üzvü Filip Ozobiç het-triklə yadda qalıb.