Pleyeri seçin:
"Qalatasaray"ın futbolçusu top klubların diqqət mərkəzinə düşüb
Son 2 mövsümdə “Qalatasaray”ın heyətində inamlı çıxışı ilə yadda qalan Saşa Boe dünya nəhəngi PSJ-nin diqqət mərkəzinə düşüb.
Türkiyə mətbuatında yayılan məlumata görə, parislilər 23 yaşlı futbolçu üçün artıq danışıqlara başlayıblar. İddia olunur ki, Boe özü də vətəninə qayıdışa müsbət yanaşır.
Bundan başqa, fransalı müdafiəçi “Bavariya”, “Arsenal” və “Mançester Yunayted”in də maraq dairəsindədir.
Bildirilir ki, “Qalatasaray” qış transfer pəncərəsində Saşa Boenin klubdan getməsinə razılıq vermək niyyətində deyil.
Qeyd edək ki, “Transfermarkt” portalına əsasən, dəyəri 22 milyon avro olan Boe “Renn” klubunun yetirməsidir. 2021-ci ildən “Qalatasaray”ın formasını geyinən və bu müddət ərzində 83 matçda 4 qol vuran Saşa ötən il cim-bomla ölkə çempionatında qələbə qazanıb.
Kopyalandı
Seçilmişlər
