"Qarabağ" əsas ulduzlarından Juninyonu itirə bilər

“Qarabağ”ın aparıcı futbolçularından Juninyo komandadan gedə bilər.

Bu barədə yerli mediada xəbərlər paylaşılır. Bildirilir ki, 27 yaşlı hücumçu Türkiyə klublarının diqqətini çəkib.

Yayılan məlumata görə, “Adana Dəmirspor” komandası yayda braziliyalını transfer etmək niyyətindədir. Bununla əlaqədar sözügedən klub “Qarabağ”a müraciət etməyi planlaşdırır. Ancaq Azərbaycan çempionunun potensial keçidə münasibəti hələ ki məlum deyil.

Qeyd edək ki, müqaviləsi 2026-cı ilədək olan Juninyo ötən ilin yayında Portuqaliyanın “Şaviş” kollektivindən transfer olunub. Bu müddət ərzində 36 matçda “köhlən atlar”ın formasını geyinən futbolçu 21 qol və 5 assistlə yadda qalıb.