"Qarabağ" - "Napoli" oyunu ilə bağlı vacib məlumat | Azarkeşlərin nəzərinə
UEFA Çempionlar Liqasının Liqa mərhələsinin V turunda İtaliyada baş tutacaq "Napoli" – "Qarabağ" matçına hakim təyinatları açıqlanıb.
Qarşılaşmanı polşalı söz sahibi Şimon Marçinyak idarə edəcək. Ona Tomaş Listkieviç və Adam Kupsik kömək edəcək.
Dördüncü hakim funksiyasını Voyçex Mik yerinə yetirəcək. VAR hakimi niderlandlı Pol van Bokel, AVAR hakimi xorvatiyalı İvan Bebek olacaq.
Polşalı hakim daha əvvəl qitənin bir nömrəli klub turnirində 58 matç idarə edib. FIFA referisi indiyədək Azərbaycan millisinin və "köhlən atlar"ın avrokubok qarşılaşmalarında da iş başında olub.
44 yaşlı ədalət təmsilçisi 2012-ci ildə dünya çempionatının Avropa zonası üzrə seçmə mərhələsinin Portuqaliya – Azərbaycan görüşünə təyinat alıb. O, 2013-cü ildə isə "Qarabağ"ın UEFA Avropa Liqasının pley-off mərhələsindəki məğlubiyyətinə şahidlik edib. Marçinyak hazırkı ölkə çempionunun həmin vaxt Almaniyanın "Ayntraxt" kollektivinə uduzduğu oyunu idarə edib.
Polşalı hakim Avropa və dünya çempionatlarının hərəsində beş qarşılaşmada söz sahibi olub. Təcrübəli hakim bir dəfə UEFA Superkuboku, beş dəfə klublararası dünya çempionatının oyunlarına təyinat alıb.
#Qarabağ FK teqi istifadə olunub
- "Qarabağ" UEFA-ya niyə müraciət etdi? - Yeni idman xəbərləri - Baku TV
- "Qarabağ" Bakıda "Nyukasl"ı qəbul edəcək | Ev oyununda təmsilçimizin şanslarını dəyərləndirdik
- "Qarabağ" hansı məşhur oyunçu ilə gücləndi? - Yeni idman xəbərləri - Baku TV
- "Qarabağ"ın uğurlu nəticəsi | Qurban Qurbanov və Kurban Berdıyevdən açıqlamalar- Baku TV
- Futbol üzrə Azərbaycan Premyer Liqasının daha bir turu geridə qaldı | İDMANDA NƏ BAŞ VERİR?
